შპს ბათუმის საზოგადოებრივი აკადემია BPA

12.04.2024

სსიპ - განათლების ხარისხის განვითარების ეროვნული ცენტრის ორგანიზებითა და გაეროს განვითარების პროგრამა - „პროფესიული განათლების სისტემის მოდერნიზება საქართველოს სოფლის მეურნეობაში“ VET 3 - ის მხარდაჭერით, პროფესიული საგანმანათლებლო დაწესებულებების ინსტიტუციური განვითარებისა და თვითშეფასების პროცესში მტკიცებულებათა იდენტიფიცირების საკითხებთან დაკავშირებით, პროფესიული საგანმანათლებლო დაწესებულებების დირექტორებისა და წარმომადგენლების შესაძლებლობების გაძლიერებისათვის სამუშაო შეხვედრა გაიმართა.

შეხვედრის ფარგლებში, წარმოდგენილ იქნა პრეზენტაციები ავტორიზაციის სტანდარტებთან მიმართებით მტკიცებულებების განსაზღვრის არსებული პრაქტიკის შესახებ.
პრეზენტაციების შემდეგ, ხუთი სამუშაო ჯგუფის ფარგლებში გადანაწილდა პროფესიული საგანმანათლებლო დაწესებულებების ავტორიზაციის სტანდარტები და განხორციელდა დამატებითი მტკიცებულებების იდენტიფიცირება და არსებული მტკიცებულებების გაანალიზება ჯგუფებში შემავალი დაწესებულებების არსებული პრაქტიკისა და გამოცდილების გათვალისწინებით.
აღნიშნული პროცესის დასრულების შემდეგ, სამუშაო ჯგუფებმა წარმოადგინეს პრეზენტაციები და კითხვა-პასუხის რეჟიმში ამომწურავად მიიღეს ინფორმაცია ავტორიზაციის პროცესთან დაკავშირებით მათთვის მნიშვნელოვან საკითხებზე.
შეხვედრაზე შპს ბათუმის საზოგადოებრივი აკადემია BPA-დან ესწრებოდა დირექტორის მოადგილე სტრატეგიული განვითარებისა და ხარისხის უზრუნველყოფის საკითხებში ქ-ნ თეონა კალანდაძე

08.01.2023

2024 წლის 08 იანვარს ბათუმის საზოგადოებრივი აკადემია BPA-ში განხორციელდა 2024 წლის ერთწლიანი სამოქმედო გეგმის განხილვა.

28.12.2023

ბათუმის საზოგადოებრივ აკადემიაში გაიმართა საახალწლო ღონისძიება, რომელსაც ესწრებოდა აკადემიის პროფესიული სტუდენტები, პროფესიული მასწავლებლები და აკადემიის ადმინისტრაცია. თითოეულმა კურსმა წარადგინა თავისი სუფრა სპეციალობის შესაბამისად.. ღონისძიება წარიმართა მხიარულად , ასევე ნომინაციებით დაჯილდოვდა ყველა კურსი.
ყველას მოგილოცავთ დამდეგ 2024 წელს, ეს წელი ხვავის, ბარაქის და ბედნიერების მომტანი ყოფილიყოს.